LAOAG CITY – Temporario a sinuspenso ti Land Transportation Franchising and Regulatory Board (LTFRB) ti electronic support system (LESS) kalpasan ti maysa a data breach.
Inbatad ti Land Transportation Franchising and Regulatory Board (LTFRB) a naapektaran ti data breach ti data environment ti electronic support system (LESS), digital platform ken internal database para iti panagproseso ti online applications ken dagiti transaksion ken ti pannakaipaay ti electronic support kadagiti public utility vehicle operator ken dagiti motorista.
Gapu iti daytoy, agtalinead a nasuspenso ti amin a electronic support system (LESS) related transactions ken dagiti serbisio kas precautionary measures.
Imbilin pay ti Land Transportation Franchising and Regulatory Board (LTFRB) kadagiti amin nga opisina ken empleado a saan nga agusar ti LESS agingga nga awan ti abiso.
