LAOAG CITY – Ibilang ni dati a Dingras Mayor Marynette Gamboa a nakakatkatawa ti mandar ni Judge Felix Salvador iti RTC Branch 17 idiay ciudad ti Batac mainaig iti warrant of arrest ti dati nga opisyal.
Daytoy ket kalpasan a nakarwaren ni Gamboa manipud iti Bureau of Jail Management and Penology (BJMP) idiay ciudad ti Batac.
Segun kenni Gamboa, pinabayag ken pinarparigat pay laeng ni Salvador ti dati a mayor gapo ta mapaluspusan met laeng manipud iti nasao a pagbalodan.
Nasaludsod na pay no apay a nagalisto a nangisyu ti warrant of arrest ni Salvador iti laksid a maipagarop a saan na nga inadal ti kaso a naidatag kenkuana nga ibilang na nga “injustice” iti parte na.
Inbatad na pay a no saan nga iparuk-at ni Salvador ti nasao a resolusyon ket pilaan ti administrative case ti nasao huwes.
Kinumpirmaran na nga adda ti aramiden da a legal nga addang kontra kadagiti tattao a karaman iti pannakaibalod na.
Maipalagip a natiliw ni Gamboa idiay Quezon City kalpasan a naitudo nga adda ti pakainaigan na iti pannakatay daydi INEC Board President Lorenzo Rey Ruiz idi 2009.
