LAOAG CITY – Inpakaammo ni Ms. Rosario Bingayen, ti dati a District Supervisor ti Department of Education a nasaysayaat a maisubli ti sigud a nakadawyan nga School Calendar.
Daytoy ket kalpasan nga adda ti panagkalikagum ni Vice President ken Department of Education Sec. Sara Duterte a maisubli ti nakaruaman a panagrugi ken panagngudo iti klase ditoy pagilian.
Segun kenkuana, pabor daytoy a maisubli ti dati nga nga School Calendar tapno maliklikan ti problema dagiti pagadalan iti iskedyul ti panagturpos dagiti agad-adal gapu ta masansan a maibatog nga agtudo ti aldaw mismo ti panagturpos dagitoy.
Gapu iti daytoy, kalikagumna nga agsubli ti dati a summer vacation dagiti estudiante no sadino maibatog daytoy iti bulan ti Abril ken Mayo tapno saan a maapektaran ti panagadal dagiti maseknan nga agad-adal ken mangisursuro.
Innayonna nga ibilangna a nagbalin nga experimental laeng ti pannakabalbaliw ti School Calendar a nangitunda ti parikot kadagiti estudiante.
