LAOAG CITY – Naawaten ni Justice Secretary Jesus Crispin Remulla ti surat ni Department of Public Works and Highways (DPWH) Secretary Vince Dizon nga agkidkiddaw ti Immigration Lookout Bulletin Order (ILBO) kontra kenni dati a DPWH Sec. Maneul Bonoan.
Karaman pay a naipan iti ILBO ket isuda Candaba Mayor Rene Maglanque ken dagiti opisyal ti MBB Global Properties Corporation – Macy Monique Maglanque kas presidente, Sunshine Bernardo a corporate secretary, ken Fatima Gay Dela Cruz a treasurer.
Nakailanad iti surat a ti panangiparuk-at ti ILBO ket nasken tapno agtultuloy nga imbestigasyon ken saanen a maitantan.
Kiniddaw pay ni Dizon iti Bureau of Immigration a dagus da a maabisoan ken dagiti sumagmamano nga otoridad no adda ti sabali a panagbyahe dagiti nasao nga indibidwal.
