LAOAG CITY – Inrakurak ni Senior Deputy Minority Leader ken Caloocan 2nd District Rep. Edgar Erice a no mangrugin ti imbestigasion, nasken a dumatag da dati a Department of Public Works and Highways Secretary Manuel Bonoan ken 20 nga encoders a timmulong ken ni dati a Department of Public Works and Highways Undersecretary Maria Catalina Cabral iti budget insertions kadagiti proyekto ti Department of Public Works and Highways iti babaen ti 2024 ken 2025 national budget.
Inpetteng ni Erice a napateg a dumalan iti panagdengngeg ni Bonoan gapu ta isuna ti dati a mangidadaulo ti Department of Public Works and Highways ken imposible nga awan ti ammona iti korapsion iti nasao nga ahensia.
Inlawlawagna a dagiti 20 nga encoders ti mangipaneknek no kasano ti kalawa ti korapsion kadagiti datos nga inaramid dagitoy para iti budget insertions no asino dagiti proponents a pakairamanan dagiti Senador, Kongresista, Executive secretaries, undersecretaries ken dagiti pribado nga indibidual.
Kunana a gapu ta awan ditoy pagilian ni Bonoan ket nasken laeng a pagawiden daytoy ti gobierno.
Immuna iti daytoy, inbutaktak ni dati a Department of Public Works and Highways Undersecretary Roberto Bernardo a ti panangpundo kadagiti infrastructure projects ket iyur-urnos ni Cabral sakbay daytoy nga aprobaran ni Bonoan.
