LAOAG CITY – Kinumpirmaran ni OMBUDSMAN Samuel Martires a naipila ti kaso kriminal iti Sandiganbayan kontra kada dati a Health Secretary Francisco Duque III ken ni Lloyd Christopher Lao, dati nga executive director ti Procurement Service ti Department of Budget and Management.
Sumango ti dua iti kaso a panaglabsing iti RA 3019 wenno Anti-Graft and Corrupt Practices Act ket mainaig iti pannakayakar ti P41.464 billion a pondo ti Department of Health iti Department of Budget and Management iti nagbaetan ti bulan ti Marso ken Disiembre idi tawen 2020.
Segun kadagiti prosecutors, ti pannakaiyakar ti pondo ket nangitunda iti pannakadadael ti gobierno gapu iti 4% service fees a singiren ti Department of Budget Management.
Aggatad daytoy iti P1.65 billion nupay awan ti imbentaryo dagiti suplay ken alikamen a kangrunaan a kasapulan.
Inlawlawag ti Sandiganbayan a bailable offense ti kaso a graft.
Inrekomendar ti anti-graft body ti P90,000 a piyansa iti tunggal akusado
