LAOAG CITY – Inbatad ni Atty. Paolo Panelo, legal spokesperson ni Vice President Sara Duterte, a nakaawat ti Bise Presidente ti mensahe maipanggep iti panagkiddaw ti tulong ti account ti maysa a dati a household staff member-na.

Basar iti panagistoria ni Panelo, nakaipalaon iti nasao a mensahe a maipagarup nga adda iti kustodiar dagiti sumagmamano nga indibidual iti Manila ti nasao a dati a tao ni Duterte kalpasan a napangtaan ti biagna ken maipagarup a mapilpilit daytoy nga agpirma iti maysa a dokumento a liniklikanna a permaan.

Iti agdama, kinuna ni Panelo a saan pay a masinunuo ti eksakto a lokasion ken kasasaad ti nasao a dati a household staff member.

Mainaig iti daytoy, nagpanawagan ni Panelo iti publiko, media ken dagiti nagduduma nga isntitusion a masapol a kitaen dagiti maipagarup a panagaramat kadagiti ahensia ti gobierno para iti personal a pakabenepisiaran, kageddan ti kiddawna a masapol a siguradoen ti kinatalged dagiti dati a tao ti Bise.