LAOAG CITY – Nagkedked a mangipaay ti komento ni dati a Judge Philip Salvador mainaig iti rimwar a damag a naduktalan ti Korte Suprema a guilty isuna iti gross ignorance of the law.
Daytoy ket gapo iti maipagarop nga intuloy na latta ti nagdesisyon kadagiti 25 a kaso iti laksid a nagretiron idi Enero 31, 2018.
Inbatad ti agtagibalay kada Salvador, saan pay laeng a kayat ti dati a huwes ti agpa-interview gapo ta saan pay a nalpas ti kaso.
Basar ti report, ti kaudian nga inpaayan na ti desisyon a kaso ket idi Mayo 17, 2018 seknan iti titulo ti daga.
Segun pay iti report, kuna ti maysa nga associate justice a no nagretiron ti huwes ket awan metten ti bileg na nga agdesisyon iti kaso wenno agpirma iti dokumento.
