LAOAG CITY – Maisagsaganan ti kaso a panaglabsing iti RA 10591, RA 9165 ken alarm scandal kontra kenni Albert Faliao, agtawen ti 43, awanan ti trabaho, dati a kameng ti militar ken residente iti Barangay Anao a natiliw idi rabii iti paset ti Brgy. 20 Calluza iti ili ti Piddig.
Daytoy ti inbatad ni Police Captain Granduer Tangonan, chief of police ti PNP-Piddig.
Segun kenni Tangonan, naaktuan da nga agprobprobokar ni Faliao ken nagriri da iti nobya na gapo iti maipagarop a 3rd party.
Kinumpirmaran ti hepe a no makainom ni Faliao ket agprobprobokar ken pangbutbuteng na ti paltog na.
Ummuna iti daytoy, idi panagresponde dagiti otoridad ket nakumpiskar da iti suspek ti maysa a ti replika ti Cal. 45, maysa a sachet a naglaon ti maipagarup a napagango a bulong ti marijuana, 5 a pidaso ti sigarilyo a naipan iti bassit a karton ken maysa a lighter ken.
Naamoan a ti suspek ket nagpaot iti 18 a tawen iti serbisyon ken nag-AWOL ngem saanen a naidetalye ti rason.
Kabayatanna, kuna ni Tangonan ti suspek ket subject kuma pay ti search warrant.
