LAOAG CITY – Maitabon ni dati a Nigerian President Muhammadu Buhari iti mismo a compound ti balayna iti house amyanan ti estado ti Katsina.
Daytoy ti inwaragawag ni Governor Dikko Radda iti Katsina State.
Ni Radda ket kadwa ti pamilya Buhari idiay London no sadinno nga iti maysa a clinic iti nasao lugar ti nakatayan ti dati a presidente iti tawen na a 82.
Naibiyahe a dagus ti bangkay ti dati a presidente a naisubli iti Nigeria babaen ti pannakailugan na iti presidential aircraft.
Naamoan a kalpasan a naipadamag a pimmusayen ti dati a presidente ket nagturong a dagus dagiti umili, papagayam ken supporters na tapno padaanan ti pannakaisangpet ti bangkay ni Buhari.
Indeklarar met ti gobierno ti Nigeria ti public holiday idi kalman a pannakatay ti dati a presidente kas panangbigbig kenkuana.
Ni Buhari ket dati pay nga army general, ken maysa kadagiti dua a Nigerians a nangidaulo ti pagilian kas agpada a lider ti militar ken demokratiko a naelektaran a presidente.
Immunan nga inrakurak ni Nigerian Information Minister Mohammed Idris a maiyuswat ti military ceremony ken Islamic prayers para ken ni Buhari iti Daura.
