LAOAG CITY – Kiniddaw ni Senador Imee Marcos iti Department of Agriculture (DA) a nayonan ti fuel subsidy para kadagiti mangngalap.
Dinakamat ti senadora nga iti maysa a bulan, 25 a daras nga aglaylayag ti maysa a mangngalap ken kada aglayag ket sumurok-kumurang 15 a litro ti gasolina ti kasapulanda nga adda iti P85 iti kada litro wenno katukad ti P1,275 iti kada aldaw.
Kunana a rumrummuar a sumurok P30,000 iti kada bulan ti gasgastosen ti maysa a mangngalap iti gasolina isu a ti P3,000 nga ayuda ket umanay laeng iti awan pay tallo nga aldaw a panagkalap.
Inpetteng ni Sen. Imee saan nga umdas ti one-time assistance ken kasapulan ti agtultuloy a fuel subsidy kadagiti mangngalap wenno ikkaten ti excise tax wenno VAT iti krudo.
