LAOAG CITY – Naabswelto ni dati a Pakistani Prime Minister Imran Khan iti panagi-leak na dagiti sikreto iti estado ngem nagtalinaed daytoy iti pagbaludan gapu iti pannaka-kunviktar na iti sabali a kaso.
Maipalagip a ti agtawen ti 71 a ni Khan ket napadisi iti pwesto kas prime minister idi 2022 kalpasan nasentensyaan a mabalud gapu iti kaso nga ibilang na nga adda ti maris pulitika na.
Nasentensyaan ni Khan iti 10 a tawen a pannakaibalud idi Enero gapu iti kaso a panangaramidna iti publiko iti diplomatic cable idi 2022.
Pinatikber ti Islamabad High Court ti apela ni Khan ngem saan paylaeng a makaruwar iti pagbaludan kadagitoy a gundaway.
Ti dati a cricket star ken ti maikatlo nga asawa na a ni Bushra ket agpada a nakabalud kalpasan a napaneknekan ti korte a ti panagkasar da idi 2018 ken maibilang kas un-Islamic ken illegal.
Naduktalan pay a dagiti agasawa ket guilty iti panagkunniber gapu kadagiti inaaw-awat da a nagagarbo ken nababalor a regalo bayat ti termino ni Khan kas prime minister iti Pakistan.
