LAOAG CITY – Kinumpirmaran ti Malacañang nga inawaten ni dati a Philippine National Police (PNP) chief General Nicolas Torre III ti pannakaiyakar ti four-star rank na ken ni Acting PNP chief Lt. General Jose Nartaez Jr.
Segun ken ni Palace Press Officer Undersecretary Claire Castro, personal a nakasarita na ni Torre ken naaddaan laeng ti saan a panagkikinnaawatan iti immuna a rakurak na a saan nga ag-optional retirement.
Innayon pay ni Castro nga ammo ni Torre a gapu ta inawat na ti panangdutuk kenkuana ni Presidente Ferdinand Marcos kas General Manager ti Metropolitan Manila Development Authority (MMDA) ket rumbeng laengen a maipasa ti ranggo ken ni Nartaez.
Naglikudan met ni Castro nga awanen ti agbalin a taripnong pay a kas ti kiddaw ni Torre a kayat na ti maaddaan ti panagsasarita iti nagbaetan ti presidente ken ti National Police Commission (NAPOLCOM) mainaig iti nasao nga isyu.
