LAOAG CITY – Naminsan manen nga inpaganetget ni dati a Presidente Rodrigo Duterte a ti inaramidna ket para iti pagilian.
Daytoy ti mensahe ti dati a Presidente idi bisitaen isuna ti anakna a ni Vice President Sara Duterte.
Segun iti Bise Presidente a kalikagum ti dati a Presidente a mapaalisto ti proseso ti kasona.
Madanagan ti agtawen ti 80 a dati a Presidente a mabalin a matay daytoy kabayatan nga adda isuna iti pasilidad ti International Criminal Court (ICC).
Saan met a masinunuo ti Bise Presidente no ti dinakamat ti dati a Presidente ket panangadmitirna kadagiti napasamak a panangpapatay iti war on drugs daytoy.
Maipalagip nga adda iti pasilidad ti International Criminal Court ti dati a Presidente kalpasan nga inarestar isuna gapu iti crimes against humanity gapu iti war on drugs daytoy idi terminona.
