LAOAG CITY – Naarestar ni dati a Presidente Rodrigo Duterte iti Ninoy Aquino International Airport Terminal 3 (NAIA 3) babaen ti warrant nga inisyu ti International Criminal Court (ICC), ken isu ti umuna a dati a nagbalin a Presidente ti Pilipinas a natiliw babaen iti pammilin ti international tribunal.
Basar iti Presidential Communications Office, itay laeng parbangon ket naawat ti Interpol Manila ti opisial a kopia ti warrant of arrest manipud iti International Criminal Court kontra ken ni Duterte ken inserbi ti Prosecutor General bayat a nakasangpet daytoy.
Karaman kadagiti nangiserbi iti warrant of arrest ket Prosecutor General Richard Fadullon ken Justice Undersecretary Felix Ty ken adda pay ni PNP Criminal Investigation and Detection Group chief Police Brigadier General Nicolas Torre ken adda dagiti kameng ti Philippine Center on Transnational Crime ken iti Interpol.
Kalpasan daytoy ket naipan ti dati a Presidente iti Villamor Airbase ken kwinestionaran ti kampo ti maipagarup a kaawan ti naipresentar a warrant of arrest kontra iti daytoy.
