LAOAG CITY – Boluntaryo a simmuko ni dati a Senador Ramon “Bong” Revilla Jr ita a rabii ti Lunes , Enero 19, 2026, iti Philippine National Police Criminal Investigation and Detection Group (PNP-CIDG) iti Camp Crame.
Daytoy ket kalpasan a naiparuk-at ita metlaeng nga aldaw ti warrant of arrest na gapu iti kaso a malversation ken falsification of public documents gapu iti maanomalya a P92.8-milyon a flood control project idiay Pandi, Bulacan.
Kadwa ti dati a senador a nagturong iti PNP-CIDG ti asawa na a ni Cavite Rep. Lani Mercado -Revilla.
Sakbay iti panagsuko ni Revilla ket nag-live pay daytoy iti social media no sadinno nga inbatad na nga arigna awan ti due process isut gapu na nga alisto ti pannakaiparuk-at ti warrant of arrest.
