LAOAG CITY – Nagpila ti mosyon ni dati a Senador Bong Revilla Jr. iti panagdengngeg ti reklamo a ‘plunder’ a sangsangwen na iti Department of Justice.
Iti naisayangkat a preliminary investigation, partikular nga inpila na ti ‘motion for opposition’ iti prosekusyon.
Segun ken ni Atty. Francesca Señga, daytoy ket bilang panangkontra na iti inserrek a mosyon ti National Bureau of Investigation, a complainant iti reklamo.
Immuna iti daytoy, nagnayun dagiti agpapaay ti National Bureau of Investigation kadagiti baro a nagan wenno respondents iti plunder case a naipila iti nasao a departamento.
Karaman ditoy dagiti dati nga opisyal manipod iti Department of Public Works and Highways.
Dagitoy ket isuda dati a Public Works National Capital Region Engineers Denryl Caesar Cortuna, Manny Bulusan, Ruel Umali ken Arturo Gonzales Jr.
Gapu iti daytoy, kwinestyunaran ti kampo ni Revilla no apay a nanayunan ti uppat a respondents iti reklamo kontra kenkuana.
Inlawlawag met ti Department of Justice a possible a basar iti dadduma pay nga ebidensya wenno affidavits ti rason ti National Bureau of Investigation iti panangiserrek da kadagiti baro a nagan iti reklamo.
Nupay kasta, inpetteng ni Justice Spokesperson Atty. Polo Martinez a kasapulan a mapaneknekan a dagitoy ket dagiti baro a naduktalan wenno nadiskubre ti departamento.
Naikeddeng ti sumaruno a panagdengngeg iti kaso intono Marso 13 ita a tawen tapno kadagiti isumitir da a sungbat kadagiti affidavits.
