LAOAG CITY – Pimmusay bayat a maag-agasan iti Mariano Marcos Memorial Hospital and Medical Center idiay ciudad ti Batac ni dati a bokal ken dati a Mayor Pacifico “Pasing” Velasco iti ili a Bacarra iti tawen na a 79.
Daytoy ti kinumpirmaran ti maysa kadagiti apoko na a ni Barangay Chairman Derek Velasco iti met laeng nasao nga ili.
Segun ti ub-ubing a Velasco, pimmusay ti dati a mayor iti oras ti alas-5:30 itay bigat.
Naamoan a ti dati a mayor ket nabayagen a maag-agasan iti nasao nga ospital gapu iti komplikasyon.
Maipalagip a ni dati a Mayor Velasco ket nabalud idi iti sumagmamano a tawen iti New Bilibid Prison gapu iti panagsalungasing na iti anti-graft and corrupt practices act.
