LAOAG CITY – Naiyakar iti house arrest ti dati a lider ti Myanmar a ni Aung San Suu Kyi kalpasan ti sumurok lima a tawen a pannakaibalud sipud idi pababaen isuna iti puesto ti maysa a military coup idi 2021.
Iti rakurak ti military leader a ni Min Aung Hlaing, inbatadna a pinalag-an ti nabatbati a sentensia ni Suu Kyi ken inyakar daytoy iti “designated residence,” nga epektibo nga house arrest.
Naipakita ti ladawan ti agtawen ti 80 a ni Suu Kyi a nakatugaw kaduana ti dua a naka-uniporme nga opisial.
Nupay kasta, nagtalinaed a limitado ti impormasion mainaig iti aktual a kasasaad.
Segun iti anakna a ni Kim Aris, agdududua isuna gapu ta agingga ita ket awan pay ti konkreto a pammaneknek a sibibiag ken natalged ti inana.
Kunana a ti rimmuar a ladawan ket naala pay idi 2022.
Inlawlawag ti legal team ni Suu Kyi nga awan ti naawatda nga opisial nga abiso mainaig iti pannakaiyakar iti house arrest.
Ni Suu Kyi a napadawayan ti Nobel Peace Prize idi 1991 ket nagbalin a simbolo ti pro-democracy movement iti Myanmar ken immuna a nagtugaw iti puesto idi 2015 kalpasan dagiti reporma iti pagilian.
