LAOAG CITY – Inabak ti Alas Pilipinas ti Myanmar tapno maala ti maikalima a puesto ti 2026 SEA V Cup.
Nagun-od ti Pilipinas ti score a 28-26, 25-17, 25-23 iti second leg ti six-nation tournament iti Jakarta International Velodrome.
Agpada ti resulta ti Filipino spikers iti Candon leg idi nagbalin nga host-da ti Cambodia ken Indonesia iti pool phase ken nangabakda kontra iti Myanmar iti classification round.
Iti umuna a set ket iggem ti Myanmar ti panagballigi ngem iti panagserrek ti maikadua a set ket nadominar ti Pilipinas ti ay-ayam.
Iti panagserrek met ti maikatlo a set ket nagbalin a naiget ti panagbantay ti Myanmar agingga a makabirok ti gundaway ti Pilipinas.
Indauloan iti panangabak ti Alas Pilipinas ni Lirick Mendoza a nakairekord ti 19 attacks, maysa a block ken maysa nga ace idinto nga addaan ti 11 points ni Louie Ramirez.
