LAOAG CITY – Napaay ti Alas Pilipinas kontra iti Japan iti iskor a 23-25, 19-25, 16-25, iti classification round ti FIVB Girls’ U17 World Championship ita nga aldaw idiay Santiago, Chile.
Indauloan ni Caera Celis ti Pilipinas kalpasan a nakaaramid daytoy ti 16 points manipud iti 12 kills, three blocks ken aces-na, ngem saan nga immanay daytoy tapno pagparintumengen ti Asian powerhouse a Japan.
Saan a sinayang ti Japan ti tsansada para iti secured ninth-place kalpasan ti panangidaulo ni Miko Takahashi ti team ti Japan kalpasan ti 15 points-na no sadinno ket 11 kadagitoy ket naaramidna babaen iti spikes ken 4 aces.
Malaksid ken ni Takahashi, nagbalin pay a dakkel a lapped ti depensa ti Pilipinas da Reina Nakagawa ken Ren Sugimoto kalpasan a nakaaramid dagitoy ti nagtipon a puntos a 17 points iti nasao nga ay-ayam.
Gapu iti daytoy, sumaruno a makabinnalubal ti Japan ti pagilian a Poland iti sumaruno a paset ti classification round.
