LAOAG CITY – Nabigbig ti maysa a babai iti Japan gapu ta daytoy ti kaunaan a nag-maternity leave nga alkalde iti nadakamat a pagilian.
Nabigbig ni Shoko Kawata, mayor iti Yawata City iti Kyoto prefecture, kas maysa kadagiti 100 most influential rising stars iti TIME Magazine.
Daytoy ket kalpasan ti panagpasngay ti agtawen 36 a ni Kawata idi Setiembre 15.
Ti panag-leave na ket nangitunda iti national debate no rumbeng nga ag-leave ti maysa nga opisial.
Kabayatanna, ti desisionna ket nakagun-od ti suporta ken babalaw iti Japan, maysa a pagilian nga marigatan a mangpangato iti child birth.
