LAOAG CITY – Naisayangkat ti kaunaan nga ‘sleep competition’ wenno kompetision ti makagun-od ti kaunegan, kapaspasan ken most stable a turog iti Tokyo, Japan.
Daytoy ket napauloan a ‘Matt Race’ no sadinno ti premio ti kampeon ket umabot iti 2 million yen wenno $14,000.
Nakipaset ti 75 nga indibidual iti nasao nga aktibidad.
Ditoy nakasuot dagiti nakipartisipar iti brain-wave devices ken addaan da ti 90 a minuto tapno maturog.
Ti kompetision ket inorganisar ti Koala Mattress tapno maitampok ti sleep deprivation problem iti nasao a pagilian no sadinno namnamaen dagiti organizers a ti saan a gagangay nga aktibidad ket magutigot dagiti individual a seryosoen a makagun-od ti umdas nga inana wenno turog.
