LAOAG CITY – Natay ti dinosdosena a tattao kalpasan ti napasamak a panagbettak iti amianan a paset idiay Myanmar.
Napasamak ti insidente agarup 12:00 ti pangaldaw idi kalman iti Namhkam township.
Segun iti maysa a first responder iti Namhkan district iti Shan state, umabot iti 46 ti natay pakairamanan dagiti ubbing idinto a sumurok 70 met ti nasugatan.
Inpakaammo met ti maysa pay a rescuer nga adda ti 59 nga indibidual ti pakabuklan a bilang dagiti pimmusay.
Basar iti National Liberation Army (TNLA), maysa a mabigbigbig nga ethnic armed groups iti pagilian a ti panagbettak ket gapu iti “accident detonation” dagiti nakadulin a pagpabettak nga us-usaren iti panagminas ken quarrying.
Awan pay ti pinal a bilang dagiti biktima nga inparuk-at ti grupo kabayatan nga agtultuloy ti imbestigasion iti namunganayan ti insidente.
