LAOAG CITY – Napanunutan ni Mr. Joey Baniaga, akinkukua ti maysa a restobar ditoy siudad ti Laoag a mangipasdek ti bukudna a negosio ditoy pagilian.
Daytoy ket kalpasan ti 13 a tawen nagtrabaho isuna kas maysa nga Overseas Filipino Worker idiay Japan.
Inbatadna a napilina a mangipatakder ti restobar gapu ta mahilig isuna ti banda nga isu ti nangiduron kenkuana tapno naan-anay a tungpalen ti nasao nga arapaapna.
Kunana nga idi damo ket coffee shop ti immuna a planona a maipasdek a negosio ngem gapu ta nariparna nga adu dagiti nangipatakderen ti nasao a negosio.
Gapu iti daytoy, inlawlawagna a nagpanunut isuna ti baro ken naidumduma a negosio tapno ad-adda a magutigot dagiti kustomer wenno dagiti mapan gumatang kadakuada.
Mainaig iti daytoy, inpakaammo ni Baniaga a sakbay a nangipasdek ti nasao a negosio ket addan dagiti pagayamna a nakasarsaritana nga agbalin a Chef tapno maipasigurado met laeng ti kinaimas dagiti idiayada a taraon.
Innayonna a maysa kadagiti kangrunaan a birbiroken dagiti kustomerda ket ti seafoods, boodle fight ken dadduma pay.
Kabayatanna, naammoan nga adda pay ti live acoustic band-da tunggal weekends tapno ad-adda pay a maallukoy dagiti kustomerda.
