LAOAG CITY – Nagsagaba ti sugat iti patong ken ngatwen ti siko iti akin-kannigid nga ima ti biktima iti napasamak a pammaltog iti Sitio 3, Barangay Baay idiay ciudad ti Batac.
Nabigbig ti biktima a ni Zaldy Gabriel, mannalon, dati nga OFW, naasawaan, dati a drug surrenderee ken residente iti nadakamat a barangay.
Napasamak ti pammaltog kabayatan ti panagawid na a nakalugan ti motorsiklo.
Segun ken ni Foreman Rodel Tomas iti Department of Public Works and Highways (DPWH) 2nd Engineering District, nakita da a mismo ti napasamak gapu ta manariman ti panagtrabaho da iti lugar.
Inbatad na a maysa a Mio Motorcycle a nangisit ti nagluganan dagiti dua a suspek ken ti nailubbon ti nangpaltog ken ni Gabriel.
Kabayatanna, kinumpirmaran ni Barangay Chairman Romeo Bagaoisan iti nadakamat a barangay a dati a drug surrendenderer ni Gabriel ngem naminpinsanen a nagbalbaliw.
Inbatad na pay nga adda pay ti kaso idi ni Gabriel ngem naparolan daytoy.
Immunan nga inbatad ti katugangan ti biktima a ni Mrs. Celda Padulig nga awan ti ammo da a karirriri ni Gabriel.
Iti agdama, nagtalinaed ti biktima iti Mariano Marcos Memorial Hospital and Medical Center idinto nga agtultuloy ti imbestigasyon dagiti otoridad mainaig iti napasamak a pammaltog.
