LAOAG CITY – Naglikudan ni dati nga Ombudsman Samuel Martires ti alegasyon a nagawat ti kwarta manipod kadagiti tao ni dati a Presidente Rodrigo Duterte.
Rakurak na daytoy kalpasan ti testimonya ni Ramil Madriaga iti Kamara de representantes idi Abril 14, 2026, no sadinno nga inbatad a nangideliber ti dua a bag a naglaon ti sag-35 milyon iti parking lot ti Office of the Ombudsman idi Disyembre 2022.
Segun ken ni Madriaga, ti kwarta ket maipagarop nga aggapo iti kampo ni Dutertet ken maikonkonektar pay iti panagusar ti confidential funds ti Office of the Vice President iti babaen ni Sara Duterte.
Ti nasao nga alegasyon ket paset ti imbestigasyon mainaig iti impeachment case kontra ken ni Vice President Sara Duterte, a maibagbaga nga alisto a nagastos ti P125 milyon a confidential funds idi 2022.
Naiget a naglikudan ni Martires ti aniaman a pannakainaig na iti nasao a transaksyon ken inpetteng na nga awan ti pagibasar dagiti akusasyon.
