LAOAG CITY – Nagtalinaed a saan a “medically fit to travel” ni dati nga House Speaker Martin Romualdez sakbay ti naikeddeng a panagdengngeg ita nga aldaw iti Sandiganbayan.
Daytoy ti inbatad ti Philippine National Police (PNP) maibasar iti medical certification nga inparuk-at dagiti doktor na iti Cardinal Santos Medical Center.
Segun ken ni PNP Public Information Office Chief Col. Allen Rae Co, dagiti doktor laeng ti dati nga opisyal ti addaan ti karbengan a mangipaay ti sibubukel a detalye mainaig iti sitwasyon ti salun-at na, ngem opisyal da a kinumpirmaran a saan pay a mabalin nga agbiyahe ti dati nga speaker iti agdama.
Naikeddeng a maisayangkat ti panagdengngeg ita nga aldaw, Setyembre 10, ti Sandiganbayan Third Division tapno desisyonan no palubusan ni Romualdez nga agtalinaed iti babaen ti hospital arrest kalpasan a naiserbi ti warrant of arrest mainaig iti kaso na a plunder.
Inbilin pay ti korte a sumango iti hearing dagiti attending physician na tapno mangipaay ti palawag ken opisyal a report iti kondisyon ni Romualdez.
