LAOAG CITY – Inawagan ni dati nga United States President Donald Trump a “very unfair” ti nagbalin a desision a guilty daytoy kadagiti kaso a sangsangoenna.
Inbatadna a saanda a pinalubusan isuda nga agusar kadagiti election experts no sadino ket pinagbaraan pay ni Judge Juan Merchan dagiti witness-da.
Inakusaranna pay ni Judge Merchan a dinakamatna nga agpampammarang kas anghel iti ruar ngem ti kinapudnona ket maysa daytoy a demonyo.
Inawaganna ti judge kas “conflicted” gapu iti panangiyetnagna kenkuana ti gag order tapno saan a makapagsarita kadagiti kasona.
Maipalagip a nasentensiaan a guilty ti dati a presidente iti 34 felony counts gapu iti panangpeke kadagiti business records-na.
Namunganay ti nasao a kaso gapu iti panagbayadna ti $130,000 iti maysa nga adult star a ni Stormy Daniels tapno agulimek iti relasionda.
