LAOAG CITY – Mangnamnama ni dati a Sen. Bongbong Marcos a sumaruno iti tugot na ti anak na a ni Mr. Sandro Marcos.
Daytoy ti wish ti dati a senador iti panagkasangay ti anak na.
Kuna na a nasken kuma nga ituloy ni Sandro ti gagem ti pamilya Marcos nga agserbi iti publiko.
Nupay kasta, saan nga ammo ni Marcos no sadino ti kayat a papanan ti anak na no agserbi iti publiko wenno agpaay iti pribado a sektor.
Kabayatanna, naragsak dagiti residente iti Metro Gabu ditoy siudad ti Laoag kalpasan a nagturong Marcos iti naiwayat a Capitol Express, maysa kadagiti programa ti probinsya nga idadauloan ti kabsat na a ni Gov. Imee Marcos.
