LAOAG CITY – Simmango iti Senate Impeachment Court da Davao City Mayor Sebastian “Baste” Duterte ken ti dati a Senador Antonio Trillanes IV kas witness iti agtultuloy a panagusig kadagiti reklamo a sangsangoen ni Vice President Sara Duterte.
Simmango ni Mayor baste tapno ipublikarna dagiti rakurakna ken para iti panangiprisintarna kadagiti kidkiddawen ti korte a dokumento mainaig kadagiti negosio ken sanikuana.
Iti baet daytoy, manamnama met ti panagtestigo ni Trillanes iti sangoanan dagiti senator-judge mainaig kadagiti kontrobersia kadagiti bank account ken pondo a maikonkonektar iti bise presidente iti salinong ti Article II.
Mainaig iti daytoy, araramaten ti prosecution panel ti panangilawlawag dagiti dua tapno mapaneknekan dagiti alegasion mainaig iti saan a mailawlawag a kinabaknang ken ti saan nga umno a pannakadeklarar ti Statement of Assets, Liabilities, and Net Worth ti Bise.
Kabayatanna, segun iti maysa a political analyst, manamnama a maadaan ti dakkel nga impact iti kaso dagiti rakurak dagiti dua.
