LAOAG CITY – Dinayyeg ti magnitude 6.6 ti Davao Occidental iti oras ti ala-7:34 ita a rabii, Hunyo 26, 2026.
Basar iti report ti Philippine Institute of Volcanology and Seismology (PHIVOLCS),nagsentro ti gingined iti kaadayo a 90 a kilometro amianan a laud ti Balut Island, Sarangani, ken addaan ti kaune a 10 a kilometro.
Nairekord ti Intensity V iti Kiamba, Sarangani, idinto nga Intensity IV iti Don Marcelino ken Santa Maria sa Davao Occidental.
Narikna met ti Intensity III iti ciudad ti Davao ken Matanao, Davao del Sur, ken Intensity II iti Digos City, Davao del Sur, kasta met iti Monkayo, Mawab, ken Maragusan iti Davao de Oro.
Iti instrumental intensities, nairekord ti Intensity V iti Malapatan, Sarangani ken T’boli, South Cotabato.
Intensity IV met iti Malungon, Maitum, Kiamba, ken Maasim iti Sarangani, kasta pay iti Tupi ken Koronadal City iti South Cotabato.
Intensity III iti Santa Maria, Davao Occidental; Tampakan, South Cotabato; ken Palimbang, Sultan Kudarat.
Intensity II iti Magsaysay, Davao del Sur; Norala, Banga, Santo Niño, ken Surallah iti South Cotabato; Lebak, Isulan, Kalamansig, ken President Quirino iti Sultan Kudarat.
Intensity I iti Magpet, M’lang, ken President Roxas iti Cotabato, kasta pay iti Columbio ken Esperanza iti Sultan Kudarat.
