LAOAG CITY – Indauloan da Filipino-Canadian Savannah Davison ti PLDT ken Fil-American Brooke Van Sickle ti Petro Gazz ti 33 a players a naimbitaran para iti Alas Pilipinas Women tryouts.
Daytoy nga imbitasion ket inawat da Davison ken Van Sickle para iti pammadayaw ti Pilipinas iti tallo a major international competitions ita a tawen.
Ti mabukel a tropa ket makipaset iti PNVF iti 6th AVC Challenge Cup for Women inton Hunio 8 agingga iti 15 iti 5th Southeast Asian V. League Week 1 inton Hulio 25 agingga iti 27 ken Week 2 inton Agosto 1 agingga iti 3.
Agay-ayam pay ti koponan iti 33rd Southeast Asian Games idiay Thailand inton Disiembre 7 agingga iti 19.
