LAOAG CITY – Inpasigurado ti Department of Budget and Management nga umdas ti pundo ti gobierno para kadagiti sumaruno a didigra ditoy pagilian.
Segun ken ni Budget Secretary Amenah Pangandaman, adu ti mabalin a pagkautan ti pundo ti gobierno isu nga awan ti nasken a pakadanagan ti publiko.
Inaramid ti sekretario ti palawag kalpasan nga inbatad dagiti kritiko ti administrasion a naibusen ti pundo ti gobierno para iti panangsolbar kadagiti sumaruno pay a didigra.
Inlawlawagna a dumanon iti ₱30 billion ti Quick Response Fund ti nagduduma nga ahensia ti gobierno pakairamanan ti DSWD, DPWH, DA, DEPED, DILG, PNP, DOTR, BFP, OCD ken DOH.
