LAOAG CITY – Nangiparuk-at ti Department of Budget and Management (DBM) ti agarup P16.5 bilyon iti Department of Public Works and Highways (DPWH) tapno saan a maitantan dagiti infrastructure projects.
Basar iti Department of Budget and Management, naiparuk-at ti nasao a gatad iti babaen ti Notice of Cash Allocation (NCA).
Karaman ditoy ti panagbayad ti Department of Public Works and Highways kadagiti due ken demandable accounts payable.
Inlawlawag ni Department of Budget and Management Secretary Rolando Toledo a napateg a saan a maitantan ti pannakaipasdek dagiti kangrunaan a proyekto.
Kunana nga adda ti epekto daytoy a makatulong iti panangipaay ti trabaho iti pagilian.
Ti nasao a gatad ket mabalin a mai-download ti Department of Public Works and Highways kadagiti nagduduma nga implementing units iti intero a 17 a rehion ti pagilian.
