LAOAG CITY – Plano ti Department of Budget and Management (DBM) nga usaren ti sumurok-kumurang P20 billion manipud iti Malampaya gas project tapno pundoan ti bulk oil purchases kas sungbat iti epekto ti krisis idiay Middle East.
Inbatad ni Acting Budget Secretary Rolando Toledo, adda ti nailatang a pakabuklan a P210 billion manipud iti agdama a pundo ti gobierno pakairamanan iti paset ti General Appropriations Act (GAA).
No mairaman ti Malampaya fund, umabot daytoy iti P230 billion ti posible a mausar para iti crisis response.
Manarimaan ti pannakikoordinar ti Department of Budget and Management iti Department of Energy tapno maipatungpal ti nasao a plano.
Kabayatanna, agtultuloy a makatultulong ti Malampaya project iti biruk ti pagilian nga umab-abot iti sumuok $13.9 billion basar iti Prime Energy.
