LAOAG CITY – Plano ni dati a Senador Leila De Lima nga agapela iti Korte Suprema kalpasan ti inparuk-at a desision ti Court of Appeals a mawaswas ti bileg ti desision nga inruar ti Muntinlupa Regional Trial Court.
Inbatad ni De Lima a saan a kayatna a saoen ket awan ti legal nga epekto iti pannakawaya-wayana.
Inpettengna a ti acquittal daytoy ket pinal ken saanen a maiyapela pay gapu iti prinsipio ti double jeopady idinto ti desision ti Court of Appeals ket mabalin pay nga agapela.
Masdaaw ti Senadora no apay arig kidkiddawen ti Court of Appeals a maminsan manen nga agdesision.
Maipalagip a nangiparuk-at ti Eight Division ti Court of Appeals ti 12 a panid a desision ti petition for certiorari ti Office of the Solicitor General ket isubli iti Branch 204 ti Muntinlupa Regional Trial Court C.
Kunana a napaay ni Muntinlupa Regional Trial Court Branch 204 Presiding Judge Abraham Alcantara nga ipalawag ken paneknekan pakairamanan ti panangilawlawag iti linteg mainaig iti nangibasaran iti acquittal iti dati a Senadora.
