LAOAG CITY – Mangnamnama ni Governor Matthew Marcos-Manotoc a matuloy ti pannakaiwayat ti Himala sa Buhangin intono bigat, Nobyembre 16.
Inrakurak daytoy ti gobernador iti baet nga agtultuloy iti panagpasar ti probinsiya ti tudtudo gubuay kadagiti agsasaruno a bagyo a dumupduprak iti pagilyan a karaman kadagiti kangrunaan nga apektado ket iti Ilocos Norte.
Kunana a kalikagum na a maituloy ti nasao nga aktibidad gapo ta daytoy ket agserbi kas maysa a fundraising activity no sadinno a ti maukkon a pondo ket maipaay para kadagiti kangrunaan a naapektaran ti nagsasaruno a bagyo.
Kabayatanna, simmangpet metten ditoy probinsya dagiti delegado manipod Hawaii nga indaulwan ni Senador Henry C. Aquino.
Nabara a sinarabo ni Vice Governor Cecilia Araneta-Marcos dagiti nasao a delegado iti Laoag International Airport.
Maipalagip nga inimbitaran ni Gobernador Manotoc dagiti nasao nga indibidual tapno umay agatendar iti 11th Himala sa Buhangin! Arts and Music Festival tapno maitandudo iti kinabaknang ti kultura, tradisyon ken sining ditoy probinsiya
