LAOAG CITY – Inrakurak ni Denmark Prime Minister Mette Frederiksen ken ni United States President elect Donald Trump a saanna nga ilako ti Greenland iti United States of America.
Daytoy ket kalpasan ti kontrobersial a singasing ni Trump a nangibaga a kukua ti Estados Unidos iti Greenland ket maysa nga ‘absolute necessity’ ken nagpangta nga agusar ti puersa militar wenno economic force tapno maala daytoy.
Naiyuswat ti panagsinnaritada iti maysa nga 45 a minuto phone call ken ni Trump nga inpetteng ni Prime Minister Frederiksen ti maipanggep iti istratehia iti kinapateg ti panangala ti isla.
Naammoan nga idi 1721 idi naala ti Denmark ti nasao isla a dagiti simmaruno a tawen ket nagbalin a kolonial a teritorio ti Denmark ti Greenland.
Idi met 1953, nagbalin a paset ti Kingdom of Denmark ti Greenland kas maysa a paset ti Danish Realm ken saan a maysa a kolonial.
Kabayatanna idi 2009, naaddaan ti pakasaritaan nga addang ti Greenland idi inpasana ti maysa a linteg a mangipapaay ti karebbengan iti isla nga agdesision maipanggep iti panagwaywayasda iti babaen ti maysa a pampubliko a panagbubutos isu a nagbalin a maysa a self-governing territory ti Denmark.
