LAOAG CITY – Nasakit ti nakem ti komediante a ni Dennis Padilla kalpasan ti saan a napintas a panangtrato ti anak daytoy a ni Claudia.
Iti online account-na, inburayna ti panagatendarna iti kasar ti anak daytoy a ni Claudia iti nobiona a ni Basti Lorenzo.
Inbatadna nga arig nabudol isuna gapu ta imbes a ti panangtrato kenkuana kas ama ti bride ket nagbalin laeng a bisita daytoy.
Kunana nga awan ti nagbalin a papel daytoy iti kasar uray imbitasion ket awan ti naawatna.
Naammoan a ni Claudia ket anak ti komediante iti aktres a ni Marjorie Barretto.
Maipalagip a kadagiti naglabas a bulan ket naragsak nga inburay pay ti aktor ti reunion-da ti tallo nga annakna nga isuda Julia, Claudia ken Leon.
