LAOAG CITY – Nangiparuk-at ti Department of Budget and Management (DBM) ti P900 million a pondo para iti Philippine Crop Insurance Corporation.
Gagem daytoy a matulungan dagiti mannalon ken mangngalap iti pagilian a mangsigurado ti pagbiagan da ken maitultuloy dagiti aktibidad da iti baet dagiti saan a mapakpakadaan a pasamak gapu iti climate change.
Masakupan ti nasao a pondo iti P4.5 billion nga appropriation iti babaen ti 2024 General Appropriations Act a namnamaen a mangsakop iti sibubukel a balor ti crop insurance premiums ti nasurok a 2.292 million targeted farmers.
Immunan nga inpasigurado ni Presidente Ferdinand Marcos Jr. Kadagiti mannalon a paigetan pay ti gobierno ti panangipaay ti suporta tapno masigurado nga agtultuloy ti panagapit gapu iti kada bukel a naimula ket makaipaay ti natalged ken nadur-as a masangwanan.
