LAOAG CITY – Ad-adalen ti Department of Health (DOH) ti panakaiparit ti “mukbang” kadagirti vlogger.
Daytoy ket kalpasan ti ipupusay ti maysa a mukbang vlogger idiay Iligan gapu iti stroke.
Segun ken ni Department of Health (DOH) Secretary Teddy Herbosa, ti “overeating” wenno sobra a panangan ket saan a nasayaat gapu ta mabalin daytoy a mangitunda iti obesity a mabalin nga agresulta iti hypertension, heart attacks ken daduma pay a non-communicable diseases.
Kunana a ti panagbuya kadagiti mukbang videos ket mabalin pay nga agresulta iti eating disorders ken internet addiction.
Gapu iti daytoy, nangipaulog ni Herbosa iti public health warning kadagiti mukbang videos bayat a kidkidawenna nu kasano ti regulation ti maipatungpal a pagannurotan.
