Inpasigurado ti Department of Health (DOH) a nakasagana dagiti health facilities a mangasikaso kadagiti pasiente agbalin a pasiente.
Daytoy ket no bilang umadu ti kaso ti baro a variant ti COVID-19 ditoy pagilian.
Segun ken ni Health Spokesman Dr. Albert Domingo, nakasagana dagiti ospital ken health facilities no ania ti aramidenda no umadu manen ti bilang dagiti maakaran iti nasao a sakit.
Mainaig iti daytoy, uray dagiti healthcare workers ket nakasaganan ken kasta met dagiti dadduma nga ahensia a makikadua iti Department of Health.
Basar iti statement ket inruar ti nadakamat nga ahensia iti laksid a nairekord ti baro a variant ti COVID-19 a maawagan iti “Flirt” wenno KP.2 ken KP.3 nga immuna a nagtaud manipud Singapore.
Naammuan nga adu a pagilian ti nakairekord kadagiti kaso ti baro a variant nga agtultuloy a bantayan ti ahensia.
Kabayatanna, paregtaen ti Department of Health ti publiko nga addaan iti self-discipline kas iti umno a panagsuot iti face mask, panangliklik kadagiti napusek a lugar ken panangasikaso iti salun-at.
