Indeklara ti Department of Health (DOH) nga opisial nga awanan iti malaria ti probinsia ti Isabela.
Nakaawat ti probinsia iti P1 million cash incentive manipud iti ahensia tapno mataginayon ti kasasaadna nga awanan iti malaria.
Dinayaw ni Department of Health Undersecretary a ni Dr. Glenn Matthew G. Baggao ti panagregget ti gobierno probinsial ti Isabela ken dagiti local government units-na para iti panagreggetda iti pananglaban iti sakit nga iyakar ti lamok.
Nagyaman pay ti lokal a gobierno iti Department of Health kadagiti interbension da a nangtulong ken iti Isabela a manggun-od iti malaria-free status.
Kabayatanna, segun kenni Cagayan Valley Center for Health Development (CVCHD) Regional Director a ni Dr. Razel Nikka M. Hao, ti naudi a kaso ti malaria indigenous case ket naireport idiay San Mariano idi Nobiembre 2014 ken awan pay ti naireport ti probinsia a baro a kaso ti indigenous sipud idin.
