LAOAG CITY – Pinalagipan ti Department of Health iti publiko seknan kadagiti sakit a mabalin a maala ita a panawen ti panagtutudo.
Segun kenni Department of Health Assistant Secretary Albert Domingo, ita a panawen ti apnagtutudo ket mabalin a makapasar kadagit sakit kas iti dengue, leptospirosis, waterborne diseases ken influenza-like illness.
Maibasar iti naudi a datos, ti dengue ket maysa pay laeng kadagiti sakit a nasaknap no panawen ti panagtutudo gapu ta naruay manen dagiti pagitlogan dagiti lamok.
Delikado met ti influenza-like illness ken mabalin nga agwaras babaen kadagiti particle nga adda iti angin wenno pannakilangen kadagiti tattao, nangruna kadagiti pagdudupudopan.
Daytoy ti rason a ginutigot ti Department of Health ti publiko nga agridam kadagiti ipapauneg ken siguraduen a saan a kontaminado.
