Kalikagum ti Department of Social Welfare and Development a ngumato ti maipapaay kadagiti benepisiaro ti Pantawid Pamilyang Pilipino Program gapu iti agtultuloy a panagpangato ti inflation rates.
Segun ken ni Department of Social Welfare and Development Assistant Secretary for Disaster Response Management Group Irene Dumlao, bigbigenda a kasapulan a ngumato ti 4Ps cash aid.
Inbinglayna nga agtigtignayen ti Department of Social Welfare and Development pakairamanan ti National Economic and Development Authority ken Philippine Statistics Authority nga agbirok ti kasayaatan a wagas para tii automatic adjustment ti benepisio.
Inbatad na a ngimmato agingga iti 3.8 percent iti inflation rate idi Abril manipod iti 3.7 percent idi Marso.
Kabayatanna, ti 4Ps ket national poverty reduction strategy ken human capital investment program ti gobierno ken iti agdama adda ti 4.4 million a household-beneficiaries iti intero a pagilian.
