LAOAG CITY – Pinaigetan ti Department of Transportation (Dotr) ti seguridad kadagiti estasion ti Light Rail Transit (LRT) ken Manila Metro Rail Transit (MRT) gapu kadagiti umad-adu a report mainaig iti krimen.
Segun iti sektor ti Department of Transportation Rail, siniguradoda a saan a pulos a maulit dagiti kasasaad ken amin nga inisiatiba iti aniaman a krimen.
Sumagmamano kadagiti banag nga aramidenda ket mairaman ti pannakaiwaras ti train marshall, nainget a koordinasion kadagiti kameng ti polisia, mangikabait kadgaiti kanayunan a Closed-circuit television ken manginayon kadagiti MG K9 unit.
Maibasar iti kaudian a datos ti Department of Transportation, naipadamag nga adda ti 67 a nasipdut iti pakabuklan a 44 a milion a pasahero iti LRT-1 manipud Enero agingga iti Hulio bayat a 35 a kapada nga insidente iti LRT-2 ken 250 nga insidente iti MRT-3.
