LAOAG CITY – Inpaima ti Department of Education (DepEd) kadagiti private schools ti panangipatungpal ti trimester.
Daytoy ket kagiddan iti nagbalin a rakurak ti Coordinating Council of Private Educational Associations (COCOPEA) a saanda nga ipatungpal ti trimester.
Inbatad ni Department of Education Secretary Sonny Angara, adda ti flexible school calendar dagiti private schools isut gapuna a saanda a sumursurot kadagiti maipatpatungpal kadagiti pampubliko a pagadalan.
Inlawlawagna nga adda ti sumagmamano a private schools nga inton bulan pay laeng ti Mayo nga ipatungpal ti panagturpos dagiti estudiante.
Maipalagip nga ipatungpal ti Department of Education ita nga school year 2026-2027 ti trimester.
Iti nasao nga scheme, mangrugi ti semester manipud Hunio agingga iti Setiembre idinto ti second semester ket manipud Setiembre agingga iti Disiembre ken ti third semester ket manipud Enero agingga iti Marso.
