LAOAG CITY – Nangilatang ti Department of Education (DepEd) ti ₱1.35 bilyon para iti pag-print, panangitulod ken panagsanay mainaig iti Learning Packets ken Dynamic Learning Program (DLP) materials.
Gagem daytoy tapno masigurado a nakasagana dagiti pagadalan ken maliklikan ti pannakaitantan ti panagadal no adda ti kalamidad.
Daytoy nga inisyatibo ket kalikagumna a maipaayan dagiti mangisursuro ken agad-adal tapno maitultuloy ti panagbasa uray temporario a nakarikep dagiti pagadalan gapu iti didigra.
Naammoan a tunggal Learning Packet ket naglaon ti 25 agingga iti 50 self-paced activities a dinisenio tapno paigetan ti kabaelan iti panagbasa, matematika ken problem-solving.
Mainaig iti daytoy, dagiti sumagmamano a materyales ket addaan ti enrichment activities para iti nangatngato a tukad ti pannakaisuro wenno pannakaasa ti life skills.
Gutgutigoten ti programa ti ad-adda pay nga as-asideg a koordinasion kadagiti Local Government Units tapno masigurado dagiti pagadalan nga adda iti high-risk areas ket insigida a makaipatungpal ti alternative learning modes no masuspenso ti in-person classes.
