LAOAG CITY – Nagsentro iti Alternative Learning System (ALS) iti Senior High School partikular iti Division of Laoag ti press briefing ni Department of Education (DepEd) Secretary Leonor Briones bayat ti panagbisita na ditoy probinsya.
Naiyuswat ti press briefing iti Ilocos Norte College of Arts and Trades (INCAT).
Segun kenni Briones, dakkel ti papel ti ALS iti sistema ti edukasyon ditoy pagilyan.
Naamoan iti agdama ket adda ti 24 nga estudyante ti manggungundaway iti ALS ditoy ciudad ti Laoag.
Mainaig iti daytoy, kuna dagiti opisyal ti DepEd nga adda ti programa nga iyus-uswat da para kangrunaan na iti panagbasa, ken napintas ti resulta ti blended learning.
Kabayatanna, inbatad ni Briones a manarimaan pay laeng ti negosasyon ti DepEd ken Comelec mainaig iti akem dagiti mangisursuro iti Eleksyon 2022.
